”Пред повеќе од осум години се роди моето прво детенце. Имаше изразен атопичен дерматит, кој не се смируваше со ништо познато и препорачано на пазарот. Тогаш сфатив дека на пазарот постојат многу производи, но ретко кој од нив е делотворен. Благодарејќи на долгогодишното искуство во формулирање на козметика, активна соработка со дерматолози и десетици исчитани научни студии и стручна литература од областа на дерматологија, дерматолошки болести и сосотојби, како и нивен третман, конечно го превземав првиот чекор кон создавање на мојот прв перформанс произод кој беше тестиран на моето новороденче. Резултатите беа видливи по само неколку недели и така започна сѐ. Неколку години подоцна се роди Eve’s Garden и го понуди токму тоа што недостигаше на пазарот -  делотворни решенија кои имаат своја естетска функција. И покрај долгогодишното искуство во формулирање tailor-made и органска козметика, беа потребни години за усовршување на формулите за да создадеме перформанс козметика која ќе направи вистинска разлика за корисниците.”